वेबटिभी खबर
काठमाडौं । नेपाल किसान मजदुर पार्टीका सांसद प्रेम सुवालले आफ्नो पार्टीलाई प्रमुख प्रतिपक्ष दलको हैसियत प्रदान गर्न लिखित माग गरेका छन् ।
शनिबार उपसभामुख चयन गर्न बसेको प्रतिनिधिसभा बैठकलाई सम्बोधन गर्दै नेमकिपाका सांसद् सुवालले सभामुख देवराज घिमिरेलाई लिखित माग पत्र बुझाएका हुन् ।
नेपाली कांग्रेसले प्रधानमन्त्री पुष्पकमल दाहाल ‘प्रचण्ड’लाई विश्वासको मत दिएका कारण कांग्रेस प्रमुख प्रतिपक्ष दलको हैसियतमा नरहेको सांसद सुवालको भनाइ छ ।
कांग्रेसले प्रधानमन्त्रीलाई विश्वासको मत दिएर आफूलाई प्रमुख प्रतिपक्ष दल भन्नु बलमिच्याई भएको उनले बताए । कांग्रेस प्रतिपक्ष दलको हुन् लिखित रूपमा प्रधानमन्त्रीलाई दिएको विश्वासको मत फिर्ता लिनुपर्ने उनको भनाइ छ ।
Copyright © All right reserved to webtvkhabar.com Site By: Sobij
