वेबटिभी खबर
दाङ । नेपाली कांग्रेस केन्द्रीय सदस्य एवम् पूर्वउपप्रधानमन्त्री प्रकाशमान सिंह मुलुकमा बलियो गठबन्धन आवश्यक भएको बताएका छन् ।
नेपाल प्रेस युनियन दाङले आज घोराहीमा आयोजना गरेको पत्रकार सम्मेलनमा नेता सिंहले राजनीतिक स्थायित्वका लागि बलियो राजनीतिक गठबन्धनको खाँचो रहेको बताएका हुन्।
‘मुलुक र जनताको हितका निमित्त राजनीतिक समीकरण फेरबदल भइरहन्छन्, अब पनि आवश्यकताअनुसार राजनीतिक समीकरण बदलिनुलाई स्वाभाविक मान्नुपर्छ’, नेता सिंहले भने ।
सुदूरपश्चिम प्रदेशमा सरकार फेरबदलको प्रसंग कोट्याउँदै नेता सिंहले अहिलेको गठबन्धन दिगोरूपमा जान नसकेको आरोप लगाए । संघीयतालगायत उपलब्धि कार्यान्वयनसँगै मुलुकको हितका लागि बलियो गठबन्धन आवश्यक भएको उनको भनाइ छ ।
कांग्रेस प्रमुख प्रतिपक्षी दल भएपनि सरकारका राम्रा कामलाई साथ र सहयोग गर्ने उद्देश्यअनुसार नै प्रधानमन्त्री पुष्पकमल दाहाल ‘प्रचण्ड’लाई विश्वासको मत दिएको बताए ।
Copyright © All right reserved to webtvkhabar.com Site By: Sobij
