वेबटिभी खबर
झापा । पूर्वराजा ज्ञानेन्द्र शाहले झापाका दुर्गा प्रसाईंले सुरु गरेको राष्ट्र, राष्ट्रियता, धर्म, संस्कृति तथा नागरिक बचाउ महाअभियानको सोमबार उद्घाटन गरेका छन् ।
सरकारले जनयुद्ध दिवसको सार्वजनिक बिदा दिएको दिन शाहले पानसमा बत्ति बालेर तथा परेवा उडाएर अभियानको उद्घाटन गरेका हुन् ।
कार्यक्रम स्थतलमा पुगेका पूर्वराजा शाह आधा घण्टा बसेर फर्किएका थिए । उनले त्यहाँ कुनै सार्वजनिक अभिव्यक्ति दिएनन् । मेचीनगर नगरपालिका–६ को प्यारिभिट्टामा आयोजित समारोहमा महाअभियान सुरु गरिएको हो ।
उद्घाटन कार्यक्रममा शाहकी श्रीमती कोमल शाह, छोरा पारस शाह र छोरी शिताष्म शाहको सहभागिता थियो । पूर्वघोषित कार्यक्रम अनुसार शाह परिवार दिउँसोको २ बजे कार्यक्रमस्थल आइपुगेको थियो ।
उनीहरू त्यहाँ आधा घण्टामात्रै बसेका थिए ।
Copyright © All right reserved to webtvkhabar.com Site By: Sobij
