वेबटिभी खबर
काठमाडौं । त्रिभुवन अन्तर्राष्ट्रिय विमानस्थलबाट विराटनगरका लागि आज उड्न लागेको सौर्य एयरलाइन्सको विमानमा समस्या देखिएपछि पार्किङ-वेमै फिर्ता भएको छ ।
विराटनगर उड्न धावनमार्ग नजिकै पुगेको उक्त विमानको इन्डिकेटरले समस्या देखाएपछि फिर्ता भएको बताइएको छ ।
यात्रु बोर्डिङ पूरा गरि धावनमार्ग नजिकै पुगेको एसएयू ७२१ उडान नम्बरको विमानमा इन्डिकेटरले समस्या रहेको देखाएपछि उडान नगरी फिर्ता भएको विमानस्थलका प्रवक्ता टेकनाथ सिटौलाले जानकारी दिए ।
उनका अनुसार विमानमा के समस्या देखिएको हो भन्ने खुलेको छैन । विमान अहिले पार्किङ-वेमै छ ।
विमान कम्पनीका इञ्जिनीयरले उक्त विमानमा भएको समस्याका विषयमा छानबिन गरि उडानका लागि योग्य भन्ने जानकारी गराएपछि मात्रै उडान अनुमति पाउने विमानस्थलले जनाएको छ ।
Copyright © All right reserved to webtvkhabar.com Site By: Sobij
