वेबटिभी खबर
काठमाडौं । संवैधानिक इजलासमा रहेका दुई न्यायाधीश हट्नुपर्ने विपक्षी कानून व्यवसायीहरुको दबाबपछि भएको बहसमाथि आन्तरिक छलफल भए पनि इजलासमा मतैक्य नदेखिएपछि सोमबार (आज) कुनै आदेश जारी भएन ।
संवैधानिक इजलासमा रहेका न्यायाधीशहरूसँग प्रधानन्यायाधीश चोलेन्द्र शमसेर जबराले संयुक्त रूपमा र न्यायाधीशहरूबीच छुट्टा-छुट्टै छलफल भए पनि कुनै आदेश जारी हुन नसकेको हो ।
प्रधानन्यायाधीशसहित सबै न्यायाधीशहरू सर्वोच्च अदालतबाट बाहिरिएका छन् । मंगलबार (भोलि) संवैधानिक इजलासमै यसबारे आदेश सुनाइने सर्वोच्च अदालत स्रोतले जानकारी दिएको छ ।
Copyright © All right reserved to webtvkhabar.com Site By: Sobij
