वेबटिभी खबर
काठमाडौं । मोटरसाइकलले ठक्कर दिँदा एकजना भारतीय नागरिकको मृत्यु भएको छ ।
मृत्यु हुनेमा भारत विहार राज्यको मधुबनी जिल्लाको साहरघाट ग्रामपञ्चायत बस्ने ६७ वर्षीय प्रेमलाल महतो रहेको जिल्ला प्रहरी कार्यालय महोत्तरीका प्रहरी नायब उपरीक्षक सन्तोषकुमार पोखरेलले बताए ।
मोटरसाइकल चालक कृष्ण चौधरीलाई प्रहरीले नियन्त्रणमा लिएको जनाएको छ । महोत्तरीको बलवा नगरपालिका-१० को धमौराबाट बनौटा जाँदै गरेको प्र२-०२-००२प ३३७२ नम्बरको मोटरसाइकलले बाटो काट्दै गरेका महतोलाई ठक्कर दिएको थियो ।
बर्दिबासस्थित ट्रमा सेन्टरमा उपचारको क्रममा मंगलबार बिहान उनको मृत्यु भएको प्रहरीको भनाइ छ ।
Copyright © All right reserved to webtvkhabar.com Site By: Sobij
