वेबटिभी खबर
काठमाडौं । प्रदेश-१ को नाम ‘कोसी’ बहुमतले पारित भएकोछ । बुधबार बसेको प्रदेशसभा बैठकमा एमाले सांसद रामबहादुर रानामगरले ‘कोसी प्रदेश’ नाम राख्न गरेको प्रस्तावलाई प्रदेशसभा बैठकले पारित गरेको हो ।
प्रदेशसभा सदस्य रानामगर प्रस्तावक रहेको कोसी नामको प्रस्ताव ध्वनी मतले पारित भएको हो ।
एकीकृत समाजवादीका संसदीय दलका नेता राजेन्द्र राईले राखेको प्रस्तावमा राजेन्द्र राईले धारणा राखेपछि सभामुख बाबुराम गौतमले प्रस्ताव पारित गर्ने पक्ष र विपक्षमा ध्वनी मत जाहेर गर्न भनेका थिए । त्यसपछि प्रदेशसभा बैठकमा उपस्थित प्रदेशसभा सदस्यले उक्त नाम ध्वनी मत जाहेर गरेर पारित गरेका हुन् ।
काेसी बहुमतले पारित भएपछि एकीकृत समाजवादी र जनता समाजवादी पार्टी (जसपा)ले ‘किराँत लिम्बुवान सगरमाथा’ नाम राख्न भन्दै राखेकाे प्रस्ताव प्रदेसभाले अस्वीकृत गरेको छ ।
Copyright © All right reserved to webtvkhabar.com Site By: Sobij
