वेबटिभी खबर
काठमाडौं । संस्कृति, पर्यटन तथा नागरिक उड्डयन मन्त्री सुदन किरातीले विमानस्थल भित्र यात्रुलाई सुरक्षाका नाममा दुखः नदिन निर्देशन दिएका छन ।
बिहीबार हवाई क्षेत्रका विभागीय प्रमुख तथा विमानस्थलका अधिकारीहरूसँगको संयुक्त बैठकलाई सम्बोधन गर्दै उनले यस्तो निर्देशन दिएका हुन । ‘सुरक्षा चुनौती छन, सरक्षामा कुनै सम्झौता गर्नुहुँदैन, तर सुरक्षा संवेदनशीलता देखाएर यात्रुहरूलाई दुर्व्यवहार भइरहेको छ’ उनले भने ।
विमानस्थल भित्र बेला बेला हुने सर्भर डाउनले यात्रुले सास्ती पाएको भन्दै उनले यात्रुहरूमा नकरात्मक प्रभाव परेको बताए । ट्याक्सी स्टेशनमा नाममा रहेका बेथिति हटाउनसमेत उनले निर्देशन दिए ।
‘मन्त्रीले भनेपछि हराएको सामान पनि भेटिन्छ, साधारण मान्छेको निवेदन किन सुनुवाइ हुँदैन,’ उनले भने, ‘त्यही कागजातले पैसा न तिरी काम हुँदैन, तर त्यही कागजले पैसा तिरे काम बन्छ । यस्ता उदहारण धैरै छन् ।’ यस्तो अवस्था नसुध्रिए प्रमाणसहित सार्वजनिक गर्न बाध्य हुने उनको चेतावनी छ ।
Copyright © All right reserved to webtvkhabar.com Site By: Sobij
