नवलपरासी । सोमबार बिहान नवलपरासी प्रहरीले अवैध रूपमा भन्सार छलेर ल्याउँदै गरेको १० लाखभन्दा बढी मूल्य पर्ने मोबाइल बरामद गरेको छ ।
भारतको ठूठीबारीबाट मोटरसाइकलमा राखेर परासीतर्फ ल्याउँदै गरेको अवस्थामा पाल्हीनन्दन गाउँपालिका-५ को भगतपुराबाट १० लाख ६२ हजार मूल्य बराबरको ३६ थान मोबाइल बरामद गरिएको जिल्ला प्रहरी कार्यालयका सूचना अधिकारी डीएसपी भोजराज पाण्डेले जानकारी दिए ।
बरामद भएको मोबाइलमा प्रतिपिस १७ हजार पर्ने ‘स्मार्ट-सेभन’ ११ थान र प्रतिपिस ३५ हजार पर्ने ‘पोको एम-फोर प्रो’ मोबाइल २५ थान छन । बरामद भएको मोबाइल महेशपुर भन्सार कार्यालय पठाइएको प्रहरीले जनाएको छ ।
कारोबारमा संलग्न मोटरसाइकल र व्यक्ति भने प्रहरीलाई फरार भएको सूचना अधिकारी पाण्डेले बताए ।
Copyright © All right reserved to webtvkhabar.com Site By: SobizTrend Technology