वेबटिभी खबर
काठमाडौं । सरकारी स्वामित्वमा रहेको दुग्ध विकास संस्थान (डिडिसी) लैनचौरले दूधको मूल्य बढाएको छ । संस्थानले आजदेखि लागु हुने गरि नयाँ मूल्य ‘प्रिन्ट’ भएको ‘प्याकेट’ दूध बजारमा पठाएको हो ।
संस्थानका निमित्त उपमहाप्रबन्धक एवं सूचना अधिकारी राजेन्द्रप्रसाद अधिकारीले आजदेखि लागु हुने गरि देशभर दूधको मूल्य बढाएको जानकारी दिए ।
यही फागुन १९ गते बसेको मन्त्रिपरिषद्को बैठकको निर्णयअनुसार कृषकबाट उत्पादित चार युनिट घृतांश र आठ युनिट घृतांशरहित दूग्ध ठोस पदार्थ भएको कच्चा दूधको प्रतिलिटरको कृषक खरिद मूल्य प्रतिलिटर खरिद मूल्य न्यूनतम ६५ रूपैयाँ कायम गरिएको उनले बताए ।
मन्त्रिपरिगाद्को निर्णयअनुसार किसानलाई बढेको मूल्य दिइसकेको र उपभोक्ताले नयाँ मूल्य तिर्नुपर्ने डिडिसीले जनाएको छ ।
निलो प्याकेटको मूल्य प्रतिलिटर ११ रूपैयाँ बढेको छ । यसअघि प्रतिलिटर ८६ रूपैयाँ रहेको निलो प्याकेटको मूल्य आजदेखि काठमाडौँ, विराटनगर, जनकपुर र हेटौँडामा ९७ रूपैयाँ पर्नेछ ।
त्यस्तै बुटबलमा ९४ तथा नेपालगञ्ज र धनगढीमा ९२ रूपैयाँ कायम भएको संस्थानले जनाएको छ ।
Copyright © All right reserved to webtvkhabar.com Site By: Sobij
