वेबटिभी खबर
काठमाडौं । शुक्रबारमात्रै सरकारबाट बाहिरिएका नेकपा एमालेका महासचिव ईश्वर पोखरेलले पार्टीमा आफ्नो भूमिका र जिम्मेवारी बढेको बताए छन् ।
एमालेको नवौं महाधिवेशनले उनलाई महासचिव बनाएको बीचमा नेकपा गठन गर्दा आफ्नो त्यो पद नरहेको र २३ फागुन ०७७ मा सर्वोच्च अदालतले एमाले ब्युँताएपछि आफू पुनः महासचिव भएकाले पार्टीमा आफू सक्रिय भएर लाग्ने समेत बताएका छन् ।
प्रधानमन्त्री तथा पार्टी अध्यक्ष केपी शर्मा ओलीले पार्टीमा आफ्नो महत्व बुझेको र आफूले पनि अध्यक्षको अन्तरआशय बुझेकाले पार्टीलाई थप सुदृढ गर्नमा आफू केन्द्रित हुने पोखरेलले स्पष्ट पारेका छन् ।
शुक्रबार उपप्रधानमन्त्रीबाट बाहिरिएसँगै सरकारका तर्फबाट खाई पाई आएका सबै सुविधा फिर्ता गरिसकेको जानकारी उनले सामाजिक सञ्जाल फेसबुकमार्फत् गराएका छन् ।
Copyright © All right reserved to webtvkhabar.com Site By: Sobij
