एजेन्सी
नयाँ दिल्ली। तमिलनाडुको डिन्डिगुलस्थित वायुसेना एकेडेमीमा तालिमका क्रममा सोमबार बिहान पिलाटस विमान दुर्घटनाग्रस्त भएको छ । दुर्घटनामा परेर दुई पाइलट घाइते भएका छन् । एयर फोर्स एकेडेमीमा प्रशिक्षणका क्रममा बिहान नौ बजेर १० मिनेट जाँदा विमान दुर्घटना भएको थियो ।
हैदराबादबाट नियमित प्रशिक्षण उडानको क्रममा विमान दुर्घटनाग्रस्त भएको भारतीय वायुसेनाका एक अधिकारीले बताए । भारतीय वायुसेनाले विमानमा सवार दुबै पाइलटहरू गम्भीर घाइते भएको पुष्टि गरको भारतीय संचारमाध्यमले जनाएका छन् ।
ती अधिकारीले विमान दुर्घटना हुँदा कुनै पनि नागरिकको जीवन वा सम्पत्तिमा क्षति नभएको बताएका छन् । दुर्घटनाको कारण पत्ता लगाउन कोर्ट अफ इन्क्वायरीको आदेश दिइएको छ ।
Copyright © All right reserved to webtvkhabar.com Site By: Sobij
