वेबटिभी खबर
काठमाडौं । केही दिनयता लगातार भइरहेको वर्षाले मुलुकका विभिन्न ठाउँमा बाढीपहिरोले विनास गरिरहेको छ । मौसम विज्ञान विभागले शनिबार पनि केही स्थानमा भारी वर्षा हुने भन्दै नदीहरूमा बाढी आउन सक्ने भएकाले तटिय क्षेत्रका बासिन्दालाई सतर्क रहन आग्रह गरेको छ ।
शनिबार बिहानदेखि इलाम, झापा र मोरङको धेरै स्थानमा भारी बर्षा भइरहेको छ । यी ठाउँमा थप बर्षा हुने भएकाले तटिय क्षेत्रमा सकर्तता अपनाउन विभागले सचेत गराएको छ ।
लगातार हुने वर्षाले मेची, विरिङ, निन्दा, कन्काई, चिसाङखोला, मावा-रतुवा, लोहन्द्रा, बक्राहा, नुनखोला लगायत अन्य साना खोलामा बाढी आउनसक्ने देखिएको छ । नदी आसपास बाढी आउने र होचा स्थान डुवानमा पर्नसक्ने भएकाले त्यस क्षेत्रका बासिन्दालाई सतर्क रहन विभागले आग्रह गरेकाे छ ।
Copyright © All right reserved to webtvkhabar.com Site By: Sobij
