वेबटिभी खबर
सर्लाही । गहुँको बारोमा लुकाएर ल्याएको ५ किलो गाँजासहित ६५ वर्षीय पुरुषलाई सर्लाहीको लालबन्दीबाट प्रहरीले पक्राउ गरेको छ ।
लालबन्दी इलाका प्रहरी कार्यालयको गस्ती टोलीले हिजो अपरान्ह साढे ४ बजे लालबन्दी नगरपालिका–७ स्थित बर्गर हाउस अगाडीबाट गाँजासहित महोत्तरी जिल्लाको जलेश्वर नगरपालिका–९ बस्ने नागेन्द्र सिंहलाई पक्राउ गरेको हो ।
बोरा लिएर बसेका उनको गतिविधि शंकास्पद लागेपछि प्रहरीले जाँच गर्दा गहुँको राखिएको बोराभित्र गाँजा लुकाएर ल्याएको भेटिएको थियो । गाँजासहित पक्राउ परेका सिंहमाथि लागुऔषध मुद्दामा कारबाही अघि बढाइएको जिल्ला प्रहरी कार्यालयले जनाएको छ ।
Copyright © All right reserved to webtvkhabar.com Site By: Sobij
