वेबटिभी खबर
बग्दाद । इराकको एउटा कोभिड अस्पतालमा आगलागी हुँदा २ स्वास्थ्यकर्मीसहित ४४ जनाको मृत्यु भएको छ ।
इराकको दक्षिणी सहर नासिरियास्थित अल हुसैन अस्पतालमा सोमबार भीषण आगलागी भएको थियो । आगलागीमा परेर ६७ जना घाइते भएका छन् ।
प्रारम्भीक जाँचबाट अक्सीजन ट्यांकी विष्फोट भएर आगलागी भएको त्यहाँका अधिकारीहरुले बताएका छन् ।
यो घटनालाई इराक सरकारले गम्भीर लापरबाहीको रुपमा लिँदै अस्पतलाका सुरक्षा प्रवंधकलाई निलम्बन र पक्राउ गर्न आदेश दिएको छ । इराकी प्रधानमन्त्री मुस्तफा अल कदिमीले मन्त्रिहरुको बैठक बोलाएर कारबाहीको आदेश दिएका हुन् ।
Copyright © All right reserved to webtvkhabar.com Site By: Sobij
