वेबटिभी खबर
काठमाडौं । नेपाली कांग्रेसका सभापति शेरबहादुर देउवाले नेपालका प्रथम जननिर्वाचित प्रधानमन्त्री बिपी कोइरालाले राष्ट्र निर्माणका लागि दिएको योगदान अविस्मरणीय रहेको बताएका छन् ।
पार्टी केन्द्रीय कार्यालय सानेपामा आइतबार केन्द्रीय पुस्तकालयको उद्घाटन गर्दै सभापति देउवाले बिपीले नेपाली साहित्य, राजनीति र मनोवैज्ञानिक क्षेत्रमा ठुलो योगदान दिएको बताए ।
उनले भने, ‘उहाँको ४२औं स्मृति दिवसको अवसरमा लाइब्रेरीको सुरुवात गर्न पाउँदा खुसी लागेको छ । बिपी कोइराला हरेक विषयका एक योद्धा नै हुनुहुन्थ्यो । बिपीका बारेमा मैले भन्ने गरेको छु–उहाँ हरेक चिज र सबै ठाउँमा हुनुहुन्छ । साहित्यकार, वैज्ञानिक, मनोवैज्ञानिक लगायत सबै कुरामा उहाँको योगदान रहेको छ ।’
बिपी कोइराला आफ्नो सिद्धान्तका लागि नथाक्ने र राष्ट्रका लागि जुनसुकै बलिदान दिन तयार हुन व्यक्ति रहेको सभापति देउवाको भनाइ छ ।
Copyright © All right reserved to webtvkhabar.com Site By: Sobij
