वेबटिभी खबर
काठमाडौं । काठमाडौं उपत्यकाका तीन जिल्लामा बिहीबार ५५३ जना कोरोना भाइरसका नयाँ संक्रमित पाइएका छन् ।
स्वास्थ्य तथा जनसंख्या मन्त्रालयले पछिल्लो २४ घण्टामा काठमाडौंमा ३३९ , ललितपुरमा १३४ र भक्तपुरमा ८० जनामा संक्रमण पुष्टि भएको जनाएको छ ।
काठमाडाैं उपत्यकामा बुधबारकाे तुलनामा संक्रमितकाे संख्या बढेकाे हाे । बुधबार उपत्यकामा ४२५ जना नयाँ संक्रमित भेटिएका थिए ।
निषेधाज्ञा नरम भएकाे बेला उपत्यका भिडभाडसँगै संक्रमण पनि बढेकाे छ । एकैदिन एक सयभन्दा बढी संक्रमित थपिनु चिन्ताकाे विषय हाे ।
आज देशभर २६ सय ७६ जना संक्रमित थपिएका छन् । त्यसैगरी १७ सय ५७ जना संक्रमणमुक्त भएका छन् भने ३३ जनाको संक्रमणका कारणले निधन भएको छ ।
हालसम्म नेपालमा ७ लाख ९ हजार ४३७ जनामा कोरोना संक्रमण पुष्टि भएको छ । त्यसैगरि ६ लाख २६ हजार ४६८ जना कोरोना संक्रमणमुक्त भएका छन् भने ९ हजार ४६३ जनाको संक्रमणका कारणले निधन भएको छ ।
Copyright © All right reserved to webtvkhabar.com Site By: Sobij
