वेबटिभी खबर
काठमाडौं । नेकपा एमालेका वरिष्ठ नेता झलनाथ खनालले प्रधानमन्त्री शेरबहादुर देउवालाई विश्वासको मत दिन एमाले सांसदसमक्ष अपिल गरेका छन् ।
भारतको नयाँदिल्लीमा उपचार गराइरहेका खनालले आइतबार एक विज्ञप्ति जारी गर्दै एमाले सांसदलाई कुनै अलमल र आक्रोशको प्रभावमा नपरी देउवा सरकारलाई विश्वासको मत दिन अपिल गरेका हुन् ।
पूर्वप्रधानमन्त्रीसमेत रहेका खनालले अदालतको फैसलाको सम्मान गर्नसमेत आफ्ना कार्यकर्तालाई निर्देशन दिएका छन् । खनालले अबको दुई वर्ष देउवा सरकारले काम गर्ने उल्लेख छन् ।
एमालेले विश्वासको मत दिँदा आफ्नो मत पनि देउवाकै पक्षमा हुनेसमेत उनले बताएका छन् ।
‘मेरो मत पनि विश्वासको मत लिँदा देउवा सरकारकै पक्षमा रहनेछ,’ खनालको नाम र हस्ताक्षरसहित जारी विज्ञप्तिमा उल्लेख छ ।
सर्वोच्च अदालतको परमादेशबाट मंगलबार प्रधानमन्त्रीमा नियुक्त देउवाले आइतबार अपराह्न ४ बजे प्रतिनिधिसभा विश्वासको मत लिँदै छन् ।
Copyright © All right reserved to webtvkhabar.com Site By: Sobij
