वेबटिभी खबर
काठमाडौं । अपराध अनुसन्धानमा कार्यरत इलामका प्रहरी निरीक्षक किशोर तामाङलाई प्रदेश प्रहरी कार्यालय विराटनगरले असार महिनाको उत्कृष्ट प्रहरी घोषित गरेको छ ।
जिल्ला प्रहरी कार्यालय इलाममा कार्यरत तामाङले विभागीय मुल्य मान्यता र निर्देशन अनुसार कर्तव्यनिष्ठ भई जघन्य अपराधमा संलग्न फरार व्यक्तिहरुलाई अनुसन्धान गरी पक्राउ र कारबाहीको दायरामा ल्याउन महत्वपूर्ण भूमिका खेलेपछि प्रदेश प्रहरी कार्यालयले उत्कृष्ट घोषित गरेको बताइएको छ ।
उत्कृष्ट प्रहरी कर्मचारीलाई पुरस्कृत गरी उनले गरेको उत्कृष्ट कार्यको विवरण प्रदेश प्रहरी कार्यालयले निर्माण गरेको स्तम्भ र प्रदेशअन्तर्गत रहेका इलाका प्रहरी कार्यालयहरुमा एक महिनासम्म राखिने जनाइएको छ ।
Copyright © All right reserved to webtvkhabar.com Site By: Sobij
