वेबटिभी खबर
टोकियो । अन्तर्राष्ट्रिय ओलम्पिक काउन्सिल (आइओसी) का अनुसार अष्ट्रेलियाले तेस्रोपटक ओलम्पिक आयोजना गर्ने निश्चित भएको छ । टोकियोमा सन् २०३२ को ओलम्पिक आयोजना गर्ने सहर छनोटका लागि बुधबार भएको मतदानमा अष्ट्रेलियाको ब्रिसबेन सहरले बढी मत पाएको हो ।
यस ओलम्पिकभन्दा अगाडि सन् २०२४ मा फ्रान्सको पेरिस र सन् २०२८ मा अमेरिकाको लस एन्जलसमा खेलकुद मेला सम्पन्न हुनेछन् । सन् २०२० मा जापानमा हुने भनिएको ओलम्पिक कोरोना भाइरसको महामारीका कारण एक वर्ष पछि सरेको छ । जापानको राजधानी टोकियोमा जुलाई २३ देखि ओलम्पिक सुरु हुँदैछ ।
अष्ट्रेलियामा यसअघि सन् १९५६ मा मेलवर्न र २००० मा सिड्नीमा दुई वटा ओलम्पिक भएको थियो ।
Copyright © All right reserved to webtvkhabar.com Site By: Sobij
