वेबटिभी खबर
काठमाडौं । वीरगंजको एउटा गोदाममा लुकाएर राखेको झण्डै २३ लाख रुपैयाँ बराबरको लत्ताकपडा सशस्त्र प्रहरीले बरामद गरेको छ ।
वीरगंज महानगरपालिका–६ रेशमकोठीबाट आइतबार अबैध रुपमा भित्र्याएर लुकाई छिपाई राखेको २२ लाख ७१ हजार रुपैयाँ बराबरको लत्ताकपडा बरामद भएको हो ।
भारतबाट अवैध रुपले ल्याएर लत्ताकपडा गोदाममा राखेको भन्ने सूचना पाएर सशस्त्र प्रहरी बलको प्रस्तावित सीमा सुरक्षा गुल्म वीरगंज र भन्सार कार्यालयको संयुक्त टोलीले आइतबार साँझ छापा मारेको थियो । सो क्रमामा ठूलो मात्रामा फेन्सी कपडा बरामद भएको हो ।
बरामद लत्ताकपडा आवश्यक कारबाहीका लागि सोमबार वीरगंज भन्सार कार्यालय बुझाइएको सशस्त्र प्रहरीका सहप्रवक्ता डीएसपी शैलेन्द्र थापाले बताए ।
Copyright © All right reserved to webtvkhabar.com Site By: Sobij
