वेबटिभी खबर
काठमाडौ । नेकपा एमालेको भ्रातृ संगठन युवा संघले बिहीबार राजधानीमा प्रदर्शन गर्ने भएको छ । शेरबहादुर देउवा नेतृत्वको सरकारले भूमि आयोग खारेज गरेको विरोधमा एमाले नेता तथा युवा संघका इन्चार्ज महेश बस्नेतको नेतृत्वमा काठमाडौंको जटिबुटी क्षेत्रमा सुकुम्बासी बस्तीका सर्वसाधारणसहितको सहभागितामा प्रदर्शन गर्न लागिएको हो ।
देउवा नेतृत्वको सरकारले लाखौँ भूमिहीन, सुकुम्बासीलगायतका नागरिकलाई लालपुर्जा दिनुपर्ने अवस्थामा भूमि सम्बन्धी समस्या समाधान आयोगलाई नै विघटन गरेर समस्यालाई थप जटिल बनाएकाले सरकारविरुद्ध दवाव सिर्जना गर्न प्रदर्शन गर्न लागिएको युवा संघका अध्यक्ष किरण पौडेलले जानकारी दिए । मंगलबार बसेको मन्त्रिपरिषद् बैठकले आयोग खारेजी गरेको थियो भने सो निर्णयको एमालेले विरोध गरेको छ ।
Copyright © All right reserved to webtvkhabar.com Site By: Sobij
