वेबटिभी खबर
काठमाडौं । स्वास्थ्य मापदण्डको उल्लंघन गर्दै परीक्षा संचालन भएको भन्दै विद्यार्थीहरुले बागबाजारस्थित पद्मकन्या क्याम्पस बाहिर प्रदर्शन गरेका छन् । आज दिउँसोबाट सुरु हुने परीक्षा दिन पुगेका विद्यार्थीहरुले परीक्षा केन्द्र बाहिर प्रदर्शन गरेका हुन् । नो भ्याक्सिन, नो एक्जाम, स्वास्थ्य मापदण्ड लागू गर लगायतका नारा लगाउँदै प्रदर्शनमा उत्रेका केही विद्यार्थीलाई प्रहरीले नियन्त्रणमा लिएको छ ।
कलेजको ड्रेस लगाएका र प्रवेश पत्र बोकेका विद्यार्थीलाई समेत प्रहरीले नियन्त्रणमा लिएको छ । हाल त्रिभुवन विश्वविद्यालयबाट स्नातक र स्नातकोत्तर तहको परीक्षा भइरहेको छ। स्वास्थ्य मन्त्रालयले कोरोना संक्रमणको जोखिम बढेको भन्दै सबै परीक्षा स्थगित गर्न आग्रह गरे पनि त्रिविले सबै परीक्षा संचालन हुने बताएको छ ।
Copyright © All right reserved to webtvkhabar.com Site By: Sobij
