वेबटिभी खबर
नयाँ दिल्ली । भारतमा पछिल्लो २४ घण्टामा ३८ हजार ३३५ जनामा कोरोना भाइरस संक्रमण पुष्टि भएको छ ।
यो अघिल्लो दिनको तुलनामा मंगलबार १० हजारभन्दा बढी संक्रमित थपिएका हुन् । साेमबार भारतमा २७ हजार ४२१ जना नयाँ संक्रमित थपिएका थिए ।
साेमबार थपिएकाे दैनिक संक्रमित चाढे चार महिना यताकै सबैभन्दा कम हाे ।
दैनिक संक्रमित बढे पनि संक्रमणमुक्त हुनेको संख्या भने नयाँ संक्रमितको तुलनामा बढी नै छ ।
भारतको केन्द्रीय स्वास्थ्य मन्त्रालयकाअनुसार मंगलबार ३९ हजार ६०९ जना कोभिड–१९ संक्रमणमुक्त भएका छन् । त्यसैगरी संक्रमणबाट ४९६ जनाको निधन भएको छ ।
हाल सक्रिय संक्रमितको संख्या ३ लाख ८० हजार जना रहेको छ । सक्रिय संक्रमितको संख्या भने सोमबारको तुलनामा घटेको हो ।
हालसम्म भारतमा ३ करोड २० लाख मानिसमा कोभिड–१९ पुष्टि भइसकेको छ । त्यसैगरि ३ करोड १२ लाख जना संक्रमणमुक्त भएका छन् भने संक्रमणको कारणले ४ लाख २९ हजार जनाको निधन भएको छ ।
Copyright © All right reserved to webtvkhabar.com Site By: Sobij
