वेबटिभी खबर
काठमाडौं । काठमाडौंको लाजिम्पाटस्थित आन्तरिक राजस्व विभागको कार्यालयमा बिहीबार अभिनेत्री आँचल शर्मा पुग्दा कर्मचारी छक्क परेका छन् । कर बुझाउन कार्यालय गएको भीडीओलाई कर्मचारीले खिचेर सामाजिक सञ्जालमा पोष्ट गरेका छन् ।
१४ सेकेन्ड लामो उक्त भिडिओमा आँचललाई कर्मचारीले न्यानो आतिथ्यताका साथ माया दर्शाएका छन् । हाम्रो अड्डा कस्तो लाग्यो ? भनेर कर्मचारीले सोधेका छन् । आँचलले आफूलाई सेवा राम्रो लागेको प्रतिक्रिया दिएकी छिन् ।
आँचल कर कार्यालयमा पुगेको क्षणलाई कर्मचारीले कैद गरेको र आतिथ्यता देखाएको कुरालाई लिएर सामाजिक सञ्जालमा टिप्पणी भइरहेको छ । अर्थ मन्त्रालयका उपसचिव कर्ण तिमल्सिनाले भीडीओ पोष्ट गरेका हुन् । भीडीओको क्याप्सनमा उनले ‘एकजना नयाँ करदाता थपियो’ लेखेका छन् ।
Copyright © All right reserved to webtvkhabar.com Site By: Sobij