एजेन्सी– घरेलु टोली स्पेनले जर्जियाविरुद्ध सहज जित निकालेको छ । विश्वकप छनोट तथा युरोपेली छनोट खेलको समूह 'बी'को खेलमा स्पेनले जर्जियाविरुद्ध ४–० गोल अन्तरले विजयी भएको हो ।
घरेलु मैदानमा स्पेनलाई जिताउने जोसे लुईस गाया, कार्लोस सोलर, फेरान टोरेस र पाब्लो सरबियाले १–१ गोल गरे । पहिलो हाफमा ३ गोल गरेको लुईस इन्रिकेको टोलीले दोस्रो हाफमा १ गोल गर्यो।
जितसँगै समूह ‘बी’ मा स्पेन शीर्ष स्थानमा छ । ५ खेलबाट उसको १० अंक छ । पराजित जर्जिया पाँच खेलबाट एक अंकसहित तालिकाको पुछारमा छ । समूहमा स्विडेनको तीन खेलबाट नौ अंक, कोसोभाको चार खेलबाट चार अंक र ग्रिसको तीन खेलबाट तीन अंकसहित क्रमशः दोस्रो, तेस्रो र चौथो स्थानमा रहेका छन् ।
समूहको अर्को खेलमा कोसोभा र ग्रिसले १–१ गोलको बराबरी खेल्दा एक–एक अंक बाँडे।
Copyright © All right reserved to webtvkhabar.com Site By: Sobij
