वेबटिभी खबर
काठमाडौं । नेकपा (एकीकृत समाजवादी) पार्टीकी केन्द्रीय सदस्य तथा सांसद् रामकुमारी झाँक्रीकै जिल्ला गुल्मीमा सो पार्टी रोज्ने कार्यकर्ताको संख्या शून्य छ ।
१ भदौमा एमाले विभाजन भएपछि स्थानीय तहका जनप्रतिनिधिलाई एकीकृत समाजवादी पार्टी रोज्न निर्वाचन आयोगले २२ भदौसम्मको समयसीमा तोकेको थियो ।
एमाले विभाजनपूर्व दुवै समूहका प्रभावशाली नेताहरू प्रदीप ज्ञवाली र गोकर्ण विष्टको गृहजिल्ला रहेको गुल्मीमा दुवै नेताहरू एमालेमै रहेपछि एकीकृत समाजवादीमा जाने जनप्रतिनिधिहरूको संख्या शून्य देखिएको हो ।
लुम्बिनी प्रदेशका कपिलवस्तु, पाल्पा र नवलपरासी (बर्दघाटपश्चिम) बाट भने एक/एक जना जनप्रतिनिधिले एकीकृत समाजवादी पार्टीमा खुलेका छन् ।
काठमाडौं केन्द्रीत राजनीतिमा झाँक्री अग्रणी देखिए पनि आफ्नै जिल्लामा भने अलोकप्रिय भएको जिल्ला नेता र कार्यकर्ताले बताएका छन् ।
Copyright © All right reserved to webtvkhabar.com Site By: Sobij
