वेबटिभी खबर
नयाँ दिल्ली । प्रदुषण बढेपछि भारतको राजधनी नयाँ दिल्लीमा एक साता विद्यालय बन्द गरिएको छ ।
भारतको सर्वाेच्च अदालतले शनिबार दिल्लीको प्रदुषण घटाउन लकडाउन गर्न सुझाव दिएको थियो । दिल्लीका मुख्यमन्त्री अरविंद केजरीवालले एक सातासम्म सम्पूर्ण विद्यालय बन्द गर्ने निर्णय गरेका हुन् ।
एक हप्तासम्म कर्मचारीलाई पनि वर्क फ्रम होम (घरबाटै काम) गर्न निर्देशन दिइएको छ । केजरीवालाले पूर्ण लकडाउनका बारेमा पनि विचार भइरहेको बताएका छन् । निजी सवारी साधन चलाउन रोक लगाउने बारेमा पनि सरकारले सोच बनाइरहेको केजरीवालले जानकारी दिए । सरकारले कन्सट्रक्सन कम्पनीका सबै गतिविधिमा पनि रोक लगाएको छ ।
भारतको राजधानी नयाँ दिल्लीमा दिपावलीपछि प्रदुषणको स्थिति गम्भीर अवस्थामा पुगेको हो । विश्वको सर्वाधिक १० प्रदुषित सहरमा भारत पहिलो नम्बरमा छ ।
Copyright © All right reserved to webtvkhabar.com Site By: Sobij
