वेबटिभी खबर
काठमाडौं । सप्तरीको छिन्नमस्ता गाउँपालिका-१ स्थित राजबिराज-तिलाठी सडकखण्डमा दुर्घटना हुँदा घाइते भएका साइकलयात्रीको मृत्यु भएको छ ।
तिलाठीबाट राजबिराजतर्फ आउँदै गरेको को १७ प ८५६३ नम्बरको मोटरसाइकलले विपरीत दिशातर्फ जाँदै गरेको साइकललाई ठक्कर दिँदा घाइते साइकलयात्री तिलाठी कोइलाडी गाउँपालिका-१ का ४३ वर्षीय सतिषकुमार यादवको बिहीबार मृत्यु भएको प्रहरीले जनाएको छ ।
परीक्षणका लागि शवलाई राजविराजस्थित गजेन्द्रनारायण सिंह अस्पतालमा राखिएको छ । ठक्कर दिने मोटरसाइकल चालक छिन्नमस्ता गाउँपालिका-१ का २० वर्षीय शंकर भनिने इन्द्रजीतकुमार यादव गम्भीर घाइते भएका छन् ।
घाइतेलाई उपचारका लागि बिपी कोइराला स्वास्थ्य विज्ञान प्रतिष्ठान धरान लगिएको छ । मोटरसाइकल प्रहरीको नियन्त्रणमा रहेको जिल्ला प्रहरी कार्यालयका सूचना अधिकारी प्रहरी नायब उपरीक्षक माधवप्रसाद काफ्लेले बताए ।
Copyright © All right reserved to webtvkhabar.com Site By: Sobij