वेबटिभी खबर
काठमाडौं । शुक्रबार देशभर बदली रहेको छ । जसकारण तराई र पहाडी भूभागका केही स्थानमा वर्षाको सम्भावना रहेको मौसम पूर्वानुमान महाशाखाले जानकारी दिएको छ ।
महाशाखाका अनुसार हाल पश्चिमी र स्थानीय वायुको प्रभाव छ । शुक्रबार बिहान लुम्बिनी, बागमती र गण्डकी प्रदेशका एक-दुई स्थानमा हल्का वर्षा भएको छ ।
दिउँसो देशभर आंशिकदेखि सामान्य बदली रही देशका पहाडी भूभागका केही स्थान र तराईका एक-दुई स्थानमा मेघगर्जन, चट्याङ र हावाहुरीसहित क्षणिक वर्षाको सम्भावना छ ।
शुक्रबार राति तराईका भूभागमा आंशिक बदली र पहाडी भूभागमा सामान्य बदली रहनेछ ।
पहाडी भूभागका एक-दुई स्थानमा वर्षाको सम्भावना रहेको महाशाखाले जानकारी दिएको छ ।
Copyright © All right reserved to webtvkhabar.com Site By: Sobij