वेबटिभी खबर
काठमाडौं । नेपाली कांग्रेसको केन्द्रीय कार्यसम्पादन समितिको बैठक सुरु भएको छ । बैठक शनिबार बिहान ९ बजेका लागि बाेलाइए पनि साढे ९ बजेपछि मात्र सुरु भएकाे हाे ।
पार्टी सभापति एवम् प्रधानमन्त्री शेरबहादुर देउवाले आगामी प्रतिनिधिसभा र प्रदेशसभा सदस्य निर्वाचनको तयारी लगायत विषयमा छलफल गर्न बैठक बोलाएका हुन् ।
बैठकमा निर्वाचनको तयारी, साउन ३० र ३१ गते हुने स्थानीय जनप्रतिनिधिको भेलाको विषयमा पनि छलफल भइरहेको छ ।
यस्तै भदौ २ गतेदेखि २४ गतेसम्म हुने चुनावी अभियानको विषयमा पनि छलफ हुनेछ ।
बैठक पार्टी केन्द्रीय कार्यालय सानेपामा जारी छ ।
Copyright © All right reserved to webtvkhabar.com Site By: Sobij
