काठमाडौं । दाङको राप्ति गाउँपालिकाले प्रारम्भिक बालविकास सहजकर्ता (इसीडी शिक्षक) लाई मासिक रू ८ हजार ५ सय दिने भएको छ ।
संघीय सरकारले पठाएको रू दश हजारमा गाउँपालिकाले ८ हजार ५ सय थपेको हो । अब राप्ति गाउँपालिकाका सामुदायिक विद्यालयमा कार्यरत इसीडी शिक्षकले मासिक रू १८ हजार ५ सय रूपैयाँ तलब पाउने गाउँपालिकाले जनाएको छ ।
गाउँपालिकाका सबै सामुदायिक विद्यालयलाई सोमबार निर्देशन दिँदै गाउँपालिकाले भनेको छ,‘आर्थिक वर्ष २०७९/८० को पहिलो त्रैमासिक बालविकास सहजकर्ता तलबभत्ता (साउन, भाद्र र असोज तथा चाडपर्व खर्च) संघीय सरकारतर्फ मासिक रू १०,००० र गाउँपालिकातर्फ रू ८,५०० ।’
त्यसैगरी गाउँपालिकाले विद्यालय कर्मचारीलाई ८ हजार रूपैयाँ दिएको जनाएको छ । संघीय सरकारले लेखापाललाई रू १३, ५०० र विद्यालय सहयोगीलाई रू ८ हजार दिएको छ ।
अब गाउँपालिकाका सामुदायिक विद्यालयमा कार्यरत लेखापाल र सहयोगीले प्रत्येक महिना क्रमशः रू २१,५०० र १६,००० पाउँछन् ।
गाउँपालिकाले आर्थिक वर्ष २०७९/८० को पहिलो त्रैमासिकमा गृहिणी विद्यालय सहजकर्ताहरूका लागि तलबभत्ता (साउन, भाद्र र असोज तथा चाडपर्व खर्च) ११,००० छुट्याएकाे छ । संघीय सरकारतर्फ रू ८,२०० प्राप्त हुन्छ । उनीहरूले प्रत्येक महिना १९,२०० रूपैयाँ पाउने गाउँपालिकाको भनाइ छ ।
गाउँपालिकाका शाखा अधिकृत विश्वास वि.क.ले आ.व. २०७९/८० को पहिलो त्रैमासिक शिक्षक तलबभत्ता (साउन, भाद्र र असोज तथा चाडपर्व खर्च) स्वीकृत दरबन्दी राहत अनुदान प्राविधिकधारतर्फ संघीय सरकारबाट २०७९ साउन १ गतेदेखि लागु हुने गरि तोकिएको तलब तथा ग्रेडलाई आधार मानी तलबभत्ताका लागि यहि भदौ २० गतेभित्र माग फाराम पेश गर्न गाउँपालिकाअन्तर्गतका विद्यालयलाई निर्देशन दिएका छन् ।
विद्यालय कर्मचारीको आन्दोलन ७औं दिनमा
यस्ता माग राखेर सरकारविरुद्ध आन्दोलनमा होमियो विद्यालय कर्मचारी परिषद्
विद्यालय कर्मचारीको आन्दोलनलाई कस–कसले दिए साथ ? [सूची]
निर्देशन यस्ताे छ
Copyright © All right reserved to webtvkhabar.com Site By: SobizTrend Technology