वेबटिभी खबर
सप्तरी । सप्तरी जिल्लामा मंगलबार राति आगलागी हुँदा एक जना वृद्धको मृत्यु भएको छ भने एक युवा घाइते भएका छन् ।
घरबाट सल्केको आगोले भैँसी गोठमा सुतेका बोदे बर्साइन नगरपालिका-४ सिल्हटका ८० वर्षीय मुक्ति राउत (पाल)को मृत्यु भएको इलाका प्रहरी कार्यालय कडरबोनाका प्रहरी निरीक्षक बालिष्टर सिंहले जानकारी दिए ।
हजुरबुबालाई जोगाउन गएका राउतका २५ वर्षीय नाति धर्मदेव आगलागीमा परेर घाइते भएका छन् । प्रहरीका अनुसार गोठमा रहेको एउटा राँगा र एउटा भैंसीसमेत जलेर मरेका छन् ।
यसैगरी दुई भैँसी आगोमा जलेर घाइते भएको प्रहरी निरीक्षक सिंहले बताए । मृतक राउतको शव परीक्षणका लागि राजविराजस्थित अस्पताल ल्याउने तयारी भइरहेको छ ।
Copyright © All right reserved to webtvkhabar.com Site By: Sobij
