वेबटिभी खबर
काठमाडौं । ताप्लेजुङको फक्ताङलुङ गाउँपालिका-६ लेलेपको लेप्चुङका ५५ वर्षीय लाक्पाडन्डु शेर्पा मृतावस्थामा फेला परेका छन् ।
आइतबार चरनमा निस्किएका गाई खोज्न जंगल गएका शेर्पा मृतावस्थामा फेला परेको जिल्ला प्रहरी कार्यालय ताप्लेजुङले जनाएको छ ।
गाई खोज्न हिँडेका शेर्पा घर नफर्किएपछि आफन्तले प्रहरीलाई खबर गरेको र प्रहरीचौकी लेलेपबाट खटेको प्रहरीको टोलीले खोजतलास गर्ने क्रममा मृतावस्थामा फेला पारेको जिल्ला प्रहरी कार्यालय ताप्लेजुङका प्रमुख तथा प्रहरी नायब उपरीक्षक राजन लिम्बूले जानकारी दिए ।
उनका अनुसार कानुनी प्रक्रिया पूरा गरि शेर्पाको शव आफन्तलाई जिम्मा लगाइएको छ ।
Copyright © All right reserved to webtvkhabar.com Site By: Sobij
