प्योङयाङ । उत्तर कोरियाको सरकारी मिडिया रिपोर्टअनुसार नेता किम जोङ उनका शीर्ष अधिकारीले कोरोना भाइरसका कारण मुलुकमा संकट उत्पन्न भएको बताएका छन् ।

कोरोनासँग सम्बन्धित समस्याले नागरिक र देश कसरी जाेखिममा पर्याे भनेर खुलाएका छैनन । यसले उत्तर कोरियामा महामारीको गम्भीर संकेत जनाउँछ । यसभन्दा अगाडि त्यहाँ कोरोना भाइरसको संक्रमण नभएको दाबी गरिँदै आएको थियो । 

महामारीका कारण उत्तर कोरियाले अन्तर्राष्ट्रिय सीमा बन्द गरेको छ । यही कारण अन्तर्राष्ट्रिय प्रतिबन्धका कारण देशमा खाद्यान्नको कमी र अर्थव्यवस्था बिग्रिएको छ । किम जोङ उनले यसभन्दा अगाडि देशमा खाद्यान्नको स्थिति गम्भीर भएकाले खराब समयका लागि तयार रहन नागरिकलाई आग्रह गरेका थिए । 

उनले सन् १९९० को दशकमा भएको भोकमरीको संकटसँग अहिलेको अवस्था तुलना गरेका थिए । साथै यसै साता किमको शारीरिक वजन कम भएको भन्दै समाचारहरु प्रकाशित भएका थिए ।

सरकारी समाचार एजेन्सी केसिएनएको रिपोर्टअनुसार किमले पार्टीका नेताहरुलाई एक विशेष बैठकमा शीर्ष अधिकारीमाथि लापरवाही गरेको आरोप लगाएका छन् । 

उनले ‘देश एवं जनताको सुरक्षा सुनिश्चित गर्ने मामिलामा एउटा ठूलो संकट सिर्जना गरेकाले गम्भीर नतिजा देखिएको छ ।’ रिपोर्टअनुसार पार्टीका कतिपय सदस्यलाई फिर्ता बोलाइएको छ । तर यस रिपोर्टले घटनाबारे धेरै विवरण भने सार्वजनिक गरेको छैन ।

उत्तर कोरियाबाट भागेका शोधकर्ता आहन चान इलले समाचार एजेन्सी एएफपीसँग मुलुकमा कोरोना पुष्टि भएको हुन सक्ने बताएका छन् । उनले उत्तर कोरियालाई अन्तर्राष्ट्रिय सहयोगको आवश्यकता परेको संकेत भएको पनि जनाए । दक्षिण कोरियाको राजधानी सियोलमा इभा विमेन्स विश्वविद्यालयमा अन्तर्राष्ट्रिय अध्ययनका प्राध्यापक लिफ एरिक इस्लेले उक्त रिपोर्टले उत्तर कोरियाको बिग्रदो स्वास्थ्य प्रणालीलाई दर्शाएको बताए । 

उनले यस घटनालाई आफ्नो फाइदाको रुपमा लिएको हुन सक्ने अनुमान पनि लगाइएको छ । यसैलाई आधार बनाएर प्रतिद्वन्द्वी अधिकारी हटाउने र विदेशी खोप सहयोग स्वीकार्ने राजनीतिक वातावरण तयार गरेको पनि हुन सक्ने आशंका गरिएको छ । 

किम जोङ दुब्लाएपछि उत्तर कोरियाका नागरिक चिन्तित  उत्तर कोरियामा दुई महिनालाई मात्र खाद्यान्न बाँकी उत्तर कोरियामा महामारी र आँधिका कारण खाद्यान्न संकट  उत्तर कोरियामा जिन्स लगाउने, विदेशी फिल्म हेर्नेलाई कडा सजाय किन ?