वेबटिभी खबर
काठमाडौं । निर्वाचन आयोगले मध्यावधि निर्वाचनको कार्यतालिका तयार पारेको छ । सोमबार दल दर्ताका लागि आह्वानसहित आयोगले निर्वाचन कार्यक्रम सार्वजनिक गर्दै छ । सरकारको सिफारिसमा राष्ट्रपति विद्यादेवी भण्डारीले ७ जेठ मध्यरातमा प्रतिनिधिसभा विघटन भएको जानकारी गराएपछि सरकारले २६ कात्तिक ३ मंसिरमा मध्यावधि निर्वाचनको मिति घोषणा गरिसकेको छ ।
प्रतिनिधिसभा विघटनविरुद्ध सर्वोच्च अदालतमा १० जेठमा परेको रिटमा सुनुवाइ जारी रहेको छ । यही बेला आयोगले भने निर्वाचन कार्यसूची तयार पारेको छ । कार्यसूचीमा आयोगले ३१ असारदेखि १५ साउनसम्म दल दर्ताको समयसीमा तोकिएको छ ।
आयोग स्रोतकाअनुसार पहिलो चरणमा हुने चुनावका लागि २० र २१ असोजमा उम्मेदवार दर्ता गर्ने कार्यतालिका तयार भएको छ । २० असोजमा संघ, प्रदेश र स्थानीय तहमा प्रतिनिधित्व गर्ने दलका उम्मेदवारले र २१ गते अन्य दल तथा स्वतन्त्र उम्मेदवारले उम्मेदवारी दर्ता गर्नुपर्नेछ । यस्तै दोस्रो चरणको निर्वाचनको उम्मेदवारी दर्ता ३१ असोज र १ कात्तिकमा गर्ने गरी आयोगले कार्यसूची तयार गरेको छ ।
Copyright © All right reserved to webtvkhabar.com Site By: Sobij