वेबटिभी खबर
काबुल । अफगानिस्तानका विद्रोही लडाकू तालिबानले इरानसँग सीमा जोडिएको इस्लाम कला सहरको महत्वपूर्ण क्षेत्र बिहीबार नियन्त्रणमा लिएका छन् । तालिबानका प्रवक्ता जबिहुल्लाह मुजाहिदले ट्विटरमा एक पोस्ट सेयर गर्दै आफूहरुले उक्त क्षेत्र नियन्त्रणमा लिएको दाबी गरेका हुन् ।
अफगान अधिकारीले भने अहिलेसम्म यसबारे कुनै आधिकारिक रुपमा टिप्पणी गरेका छैनन् । तर समाचार एजेन्सी रोयटर्सले अधिकारीको नाम नखुलाई सीमा पोस्ट नियन्त्रण गरेपछि अफगानी सुरक्षाकर्मी र भन्सार अधिकारीहरु इरानतर्फ भागेको लेखेको छ । इरानको अरबी भाषाका अल आलम टिभीले पनि अफगान सैनिकले सीमा पार गरेको बताएको छ ।
अफगानी गृह मन्त्रालयका प्रवक्ता तारिक एरिनले यस समाचारको खण्डन गर्दै उक्त क्षेत्र अझै सरकारी नियन्त्रणमै रहेको बताए ।
ताजकिस्तानको सीमादेखि सेरखान र अकिया सीमाक्षेत्र कब्जा गरेपछि यो तालिबानले कब्जा गरेको तेस्रो सीमा हो । इस्लाम कला इरान र अफगानिस्तानबीच रहेको एक महत्वपूर्ण व्यापारिक सीमा हो । जुन हेरातबाट ५ किलोमिटर टाढा पर्छ ।
तालिबानले अफगानिस्तानको कन्दहार जिल्ला नियन्त्रणमा लियो 
तालिबानको आक्रमणपछि अफगानी सैनिक भागेर ताजकिस्तान पुगे
Copyright © All right reserved to webtvkhabar.com Site By: Sobij
