वेबटिभी खबर
जोहान्सबर्ग । दक्षिण अफ्रिकाका पूर्वराष्ट्रपति ज्याकब जुमा जेल जाने भएपछि दुई प्रान्तमा हिंस्रक दंगा फैलिएको छ । जुमाका समर्थकहरुले सडक अवरुद्ध गरेका छन् र पसलहरु लुटपाट गरेका छन् । हिंसात्मक प्रदर्शन गरिरहेका कम्तिमा ६२ जना पक्राउ परेको दक्षिण अफ्रिकाको प्रहरीले बताएको छ । जोहानसबर्गको अलेक्जान्ड्रा र ब्राम्ले नजिकका सयौं व्यक्तिहरूले स्टोरहरू लुटेर जलाएको प्रहरी मेजर जनरल मठापेलो पिटर्सले बताए ।
जुमा अदालतको मानहानी गरेको मुद्दामा गत सातादेखि १५ महिनाका लागि जेल परेका छन् । सन् २०१८ मा आफ्नै दलले पदबाट बाहिरिन बाध्य पारेका ७९ वर्षीय जुमाका अझै पनि हजारौं समर्थक रहेका छन् । उनलाई आफ्नो नौ वर्षे कार्यकालमा भएको भ्रष्टाचारसम्बन्धी सुनुवाइका क्रममा सबुत पेस गर्न केही समय अगाडि दिइएको आदेश नमानेको आरोपमा १५ महिना लामो जेल सजाय सुनाइएको हो ।
प्रहरीले पक्राउ गर्न लागेको भन्ने खबर पाएपछि जुमाले गत बुधबार अबेर आफ्नो निवासनजिकै रहेको जेलमा पुगेर आत्मसमर्पण गरेका थिए । दक्षिण अफ्रिकामा पूर्वराष्ट्रपति जेल गएको यो पहिलोपटक हो । समर्थकहरूले गत साता जुमाको गृह क्षेत्र क्वाजुलु–नेटल प्रान्तबाट प्रदर्शन सुरु गरे र साताको अन्त्यसम्म जोहान्सबर्ग सहरसमेत रहेको गउतेङ प्रान्तसम्म पुग्यो ।
दक्षिण अफ्रिकाका पूर्वराष्ट्रपति जुमालाई १५ महिना जेल सजाय दक्षिण अफ्रिकाका पूर्वराष्ट्रपतिले प्रहरीसमक्ष आत्म समर्पण गरे
Copyright © All right reserved to webtvkhabar.com Site By: SobizTrend Technology
