काठमाडौं– जापानमा जारी टोक्यो ओलम्पिक २०२० फुटबलअन्तर्गत महिला र पुरुषतर्फको क्वार्टरफाइनल चरणका खेल सकिएका छन्।
महिलातर्फको क्वार्टरफाइनल जुलाई ३० मा सकिएको हो भने पुरुषतर्फको अन्तिम ८ को खेल जुलाई ३१ मा सकिएको हो।
महिलातर्फको संयुक्त राज्य अमेरिका, क्यानडा, अष्ट्रेलिया र स्विडेन अन्तिम चारमा प्रवेश गरेका हुन्।
महिला तर्फका सेमिफाइनल खेल सोमबार हुनेछन्। सोमबार दिउँदो पौने २ बजे हुने पहिलो सेमिफाइनल खेलमा अमेरिकाले क्यानडाको सामना गर्नेछ।
त्यस्तै सोमबार साँझ पौने पाँचबाट सुरु हुने दोस्रो सेमिफाइनल खेलमा अष्ट्रेलियाले स्विडेनसँग खेल्नेछ। फाइनल खेल भने अगस्ट ६ मा हुनेछ।
पुरुषतर्फको क्वार्टरफाइनलबाट जित निकाल्दै ब्राजिल, मेक्सिको, जापान र स्पेन अन्तिम चारमा पुगेका छन्।
मंगलबार हुने सेमिफाइनलमा ब्राजिलले मेक्सिकोको सामना गर्नेछ। त्यस्तै, आयोजक राष्ट्र जापानले स्पेनको सामना गर्नेछ। पुरुषतर्फको फाइनल खेल अगस्ट ७ मा हुनेछ।
Copyright © All right reserved to webtvkhabar.com Site By: Sobij
