Logo

२०८३, मंसिर १ गते सोमवार

२०८३, मंसिर १ गते सोमवार

ब्राजिलका पूर्वराष्ट्रपति लुलालाई भ्रष्टाचार मुद्दामा सफाइ

ब्राजिलका पूर्वराष्ट्रपति लुलालाई भ्रष्टाचार मुद्दामा सफाइ

  • फाल्गुण २५, २०७७ मंगलवार ११:३४ बजे
  • 575
    SHARES
  • ब्राजिलका पूर्वराष्ट्रपति लुलालाई भ्रष्टाचार मुद्दामा सफाइ

    ब्राजिल । ब्राजिलकाे सर्वोच्च अदालतका एक न्यायाधीशले सोमबार पूर्व वामपन्थी राष्ट्रपति लुइज इनासियो लुला दा सिल्भाविरुद्धको फौजदारी अभियोग रद्द गरेका छन् । अदालतको यस फैसलापछि लोकप्रिय राजनीतिज्ञलाई सन् २०२२ को राष्ट्रपति चुनावमा उम्मेदवार बन्न सक्ने बाटो खुलेको छ । लुलालाई सन् २०१९ मा १८ महिलाको कैद सजायपछि रिहा गरिएको थियो । रिहा भए पनि उनलाई आजीवन सार्वजनिक पदमा उम्मेदवारी दिन प्रतिबन्ध लगाइएको थियो ।  

    न्यायाधीश एडसन फचिनले दक्षिणी शहर कुरिटिबाको अदालतमा लुलालाई भ्रष्टाचारको आरोपमा मुद्दा हाल्ने अधिकार नभएको र राजधानी ब्राजिलियाको संघीय अदालतमा उनीविरुद्ध लागेका मुद्दाको सुनुवाई हुने फैसला गरेका छन् । अदालतमा आरोपहरु प्रमाणित नभएसम्म उनलाई राजनीतिक अधिकार हुनेछ । 

    उनी सन् २०१७ मा ‘अपरेशन कार वास’ नामक भ्रष्टाचार तथा मनी लन्ड्रिङको काण्डमा अन्य नेतासहित दोषी ठहरिएका थिए । तर न्यायाधीश एडसन फचिनले लुलाविरुद्धका यी सबै आरोपहरुमा सफाइ दिएका छन् । सन् २००३ देखि २०१० सम्म राष्ट्रपति रहेका लुला आगामी निर्वाचनमा वर्तमान राष्ट्रपति जयर बोल्सोनारोविरुद्ध चुनाव लड्न सक्नेछन् । 

  • सम्बन्धित विषय:

  • # ब्राजिल

  • Copyright © All right reserved to webtvkhabar.com Site By: Sobij