एजेन्सी– चीनमा कोरोना भाइरसको डेल्टा भेरियन्ट फैलिएको छ। बीबीसीका अनुसार पछिल्लो १० दिनमा करिब ३ सय जनामा डेल्टा भेरियन्ट पुष्टि भएको छ।
डेल्टा भेरियन्ट देखिएपछि चीनले परीक्षणको दायरा बढाउँदै दैनिक लाखौंको संख्यामा परीक्षण गरिरहेको बीबीसीले जनाएको छ। यस्तै सार्वजनिक स्थानमा यात्रा र भिडभाड गर्न प्रतिबन्ध लगाएको छ।
चीनले दर्जन बढी स्थानहरुमा डेल्टा भेरियन्ट फैलिएको हुन सक्ने अनुमान गरेको छ। चीनले हालसम्म सर्वसाधारणलाई दिएको खोप विवरण सार्वजनिक नगरे पनि १ अर्ब ६० करोड डोज खोप लगाइसकेको छ।
चीनबाटै फैलिएको कोरोना भाइरस संक्रमणको नियन्त्रणमा चीन सफल मानिएको छ। यद्यपि अहिलेसम्म पनि निर्मुल भने हुन सकेको छैन।
Copyright © All right reserved to webtvkhabar.com Site By: Sobij
