काठमाडौं । युइएफए नेसन्स लिगमा फ्रान्सले बेल्जियमविरुद्ध पुनरागमन जित निकालेको छ । बिहीबार राति इटालीको टुरिन भएको खेलमा फ्रान्सले २–० ले पछि परेको स्थितिलाई उल्टाउदै ३–२ को जित निकाल्न सफल भएको हो ।
फ्रान्सको जितमा करिम बेन्जेमा, केलियम एम्बाप्पे र थियो हर्नाण्डेजले १–१ गोल गरे । बेल्जियमका लागि यान्निक कारास्को र रोमेलु लुकाकुले १–१ गोल गरे ।
खेलको ३७ मिनेटमा यान्निक र ४० मिनेटमा लुकाकुले गोल गर्दै पहिलो हाफमा बेल्जियमलाई २–० ले अग्रता दिलाए । दोस्रो हाफमा फ्रान्सले एम्बाप्पेको उत्कृष्ट प्रदर्शनमा पुनरागमन जित निकाल्यो । एम्बाप्पेले १ गोल र १ पास मिलाए ।
एम्बाप्पेको पासमा बेन्जेमाले ६२, एम्बाप्पेले ६९ र थियो हर्नान्डेजले ९० मिनेटमा गोल गरेका थिए । अब उपाधिका लागि फ्रान्सले स्पेनसँग खेल्नेछ ।
Copyright © All right reserved to webtvkhabar.com Site By: Sobij
