वेबटिभी खबर
काठमाडौं । प्रारम्भिक बालविकास सहजकर्ता (इसीडी शिक्षक) र विद्यालय कर्मचारी मासिक पारिश्रमिक (तलब) नपाएपछि डेढ वर्षदेखि आन्दोलित छन् ।
विद्यालय कर्मचारी र इसीडी शिक्षकको पारिश्रमिक निकासा सम्बन्धि आर्थिक वर्ष २०७८/७९ को बुँदा नं.२१६ मा व्यवस्था भएअनुसार सात हजार रूपैयाँ स्थानीय तहले निकासा दिनुपर्ने स्पष्ट व्यवस्था हुँदाहुँदै हालसम्म निकासा नपाएको हुँदा उनीहरू आन्दोलनमा उत्रिएका हुन् ।
स्थानीय तहअनुसार इसीडी शिक्षक र विद्यालय कर्मचारीले फरक-फरक स्केलमा पारिश्रमिक पाएका छन् । तर,सरकारले तोकेको न्युनतम पारिश्रमिक १५ हजार नै भने होइन ।
बागलुङको ताराखोला गाउँपालिकाले इसीडी शिक्षकलाई मासिक न्युनतम पारिश्रमिक १५ हजार दिएको छ भने विद्यालय कर्मचारीलाई १० हजार मात्रै दिएको छ । तेह्रथुमको मेन्छयायेम गाउँपालिकाले १२ हजार दिएको छ ।
सिन्धुलीको गोलन्जोर गाउँपालिकाले १३ हजार पाँच सय रूपैयाँ दिएको छ । पाँचथरको फिदिम नगरपालिकाले ६ हजार मात्रै पारिश्रमिक दिएको छ । यो पारिश्रमिक सरकारले तोकेकोभन्दा निकै कम हो ।
मोरङको जहदा गाउँपालिकाले पनि ६ हजार पारिश्रमिक दिएको छ । नुवाकोटको नुवाकोटको तारकेश्वोर गाउँपालिकाले विद्यालय कर्मचारीलाई १५ हजा र इसीडी शिक्षकलाई १० हजार दिएको छ ।
लमजुङको मध्यनेपाल नगरपालिकाले मासिक नौ हजार रूपैयाँ पारिश्रमिक दिएको छ । यी स्थानीय तह प्रतिनिधि उदाहरण हुन् । तोकिएको पारिश्रमिक नदिएर दरिद्री देखाउने स्थानीय तह धेरै छन् । तोकिएको पारिश्रमिक नपाउँदा इसीडी शिक्षक र विद्यालय कर्मचारी निराश छन् ।
उनीहरूका समस्या शिक्षामन्त्री देवेन्द्र पौडेलसम्मले सुने पनि समस्या समाधानका लागि ठोस पहल भएको छैन । इसीडी शिक्षक र विद्यालय कर्मचारीको तलब समस्याका विषयमा गाउँपालिका, नगरपालिका महासंघहरू मौन छन् ।
इसीडी शिक्षक र विद्यालय कर्मचारीको तलबका विषयमा शिक्षा मन्त्रालयले स्थानीय सरकारसँग छलफल गर्ने
Copyright © All right reserved to webtvkhabar.com Site By: Sobij