वेबटिभी खबर
उत्तर कोरिया । अनौठा नियमका कारण चर्चामा रहने उत्तर कोरियामा अहिले फेरि सरकारले हाँस्न पनि रोक लगाएको छ ।
हाँस्न, मदिरा खान र किराना पसलमा किनमेल गर्नसमेत सरकारले रोक लगाएको हो ।
तर,यो रोक ११ दिनका लागि मात्र हो । उत्तर कोरियाका पूर्वनेता किम जोङ इलको १०औं वार्षिक तिथि मनाइरहेकाले यस्तो आदेश सरकारले जारी गरेको छ ।
इलको १०औं वार्षिकी भएकाले यो वर्ष ११ दिनसम्म शोक मनाउने सरकारले निर्णय गरेको छ । हरेक वर्ष १० दिन शोक मनाउने गरिए पनि यो वर्ष भने ११ दिन मनाउन थालिएको हो ।
उत्तर कोरियाका शासक किमले पुरै देशमा ११ दिनसम्म हाँस्नसमेत प्रतिबन्ध लगाएका हुन् । योसँगै मदिरा सेवन र कुनै पनि उत्सव मनाउन नपाउने गरी रोक लगाइएको हो ।
यो आदेशसँगै जन्मोत्सव पनि मनाउन पाइँदैन ।
Copyright © All right reserved to webtvkhabar.com Site By: Sobij
