वेबटिभी खबर
काठमाडौं । नेपालका अस्पतालमा अभाव भएको अक्सिजन सिलिन्डर पूर्तिका लागि खाडी मुलुकमा रहेका नेपालीले सहयोग गरेका छन् ।
कोरोना संक्रमितको उपचारमा अत्यावश्यक अक्सिजन सिलिन्डर अभाव भएपछि मध्यपूर्वका गैरआवासीय नेपालीले पठाएका ५ सय ६० वटा सिलिन्डर अक्सिजन नेपालका विभिन्न अस्पतालमा वितरण गरिएको छ ।
सुदूरपश्चिम प्रदेशमा १ सय, कर्णाली प्रदेशमा १ सय, लुम्बिनीमा २ सय प्रदेश-२ मा ८५ र गण्डकीमा ७५ वटाका दरले सिलिन्डर वितरण गरिएको हो ।
‘नेपालको अक्सिजन संकट सामना गर्न मध्यपूर्वका गैर-आवासीय नेपालीले पठाएका ५ सय ६० वटा सिलिन्डर स्वास्थ्य मन्त्रीज्यूलाई हस्तान्तरण गरेका छौं,’ गैरआवासीय नेपाली संघले जानकारी दिएको छ ।
‘नेपालमा अक्सिजन पठाऔं, आफन्तको ज्यान बचाऔं’ अभियानअन्तर्गत थप सहायतास्परुप ६ सय ७० वटा अक्सिजन कन्सन्ट्रेटर तत्कालै उपलब्ध गराउने पनि संघले बताएको छ ।
Copyright © All right reserved to webtvkhabar.com Site By: Sobij
