बेलुनबाट विस्फोटक पदार्थ पठाएको भन्दै गाजामा इजरायलबाट पुनः हवाई आक्रमण

वेबटिभी खबर
आषाढ २, २०७८ बुधवार ०९:२८ बजे

909

बेलुनबाट विस्फोटक पदार्थ पठाएको भन्दै गाजामा इजरायलबाट पुनः हवाई आक्रमण

जेरुसेलम । इजरायलले गाजा पट्टीमा हमासलाई लक्षित गरी हवाई आक्रमण गरेको बताएको छ । इजरायल डिफेन्स फोर्सका अनुसार गाजा पट्टीबाट बेलुनमा विस्फोटक पदार्थ राखेर दक्षिणी क्षेत्रमा पठाएपछि इजरायलले हवाई कारबाही गरेको हो ।

गाजा सहर बुधबार बिहान विस्फोटका आवाज सुनिएकाे थियाे । इजरायल डिफेन्स फोर्स आइडिएफले यसका लडाकु विमानहरुले गाजा सहरमा खान युनुस र विद्रोही संगठन हमासको क्षेत्रलाई लक्षित गरेको जनाएको छ ।

आइडिएफले जारी गरेको विज्ञप्तिमा भनिएको छ, 'यी ठाउँहरूमा आतंकवादी गतिविधि भइरहेको थियो । गाजा पट्टीबाट जारी आतंकवादी गतिविधिहरूलाई ध्यानमा राख्दै इजरायली सेना युद्ध सुरु गर्ने लगायत सबै प्रकारका परिस्थितिहरूको लागि तयार छ ।'

इजरायली हमलाबाट गाजा क्षेत्रमा जनधनको क्षति कति भयो भन्ने बारे केही स्पष्ट विवरण प्राप्त भएका छैनन् । हमासको एउटा रेडियो स्टेसनले एउटा तालिम केन्द्र पनि निशानामा परेको जनाएको छ ।

इजरायलमा हालसालै नयाँ गठबन्धन सरकार गठन भएदेखि इजरायल र हमासको बीच पहिलो हिंसात्मक झडप हो । यसअघि मे महिनामा दुवै पक्षबीच ११ दिनसम्म भयंकर युद्ध भएपछि २१ मेमा युद्धविराम भएको थियो ।

मंगलबार यहूदीहरुले इजरायलले कब्जा गरेको पूर्वी जेरूसलममा जुलुस निकालेपछि गाजालाई नियन्त्रण गर्ने अतिवादी संगठन हमासले धम्की दिएको थियो । यसपछि आगलागी गराउने क्षमता भएका बेलुन बम पनि भनिने कैयौं बेलुनहरू गाजाबाट मंगलवार इजरायलतर्फ पठाइएका थिए ।

इजरायली फायर सर्भिसका अनुसार यी बेलुनहरूले दक्षिणी इजरायलमा कम्तीमा २० स्थानमा आगलागी भएका छन् ।

इजरायल र हमासबीच युद्धविराम इजरायल युद्धः बमले पूर्वाधार ध्वस्त, गाजामा औषधि, खानेपानी, बिजुली छैन् इजरायलमा युद्धविराम रोक्न बाइडेनको अपील, युएनमा अमेरिकाको अवरोध कायमै गाजा पट्टीमा इजरायलको हवाई हमला जारी इजरायल-प्यालेस्टाइन द्वन्द्वमा ५८ बालबालिकासहित झन्डै २०० को मृत्यु इजरायली आक्रमणबाट समाचार संस्था एपी र अलजजिराको कार्यालय ध्वस्त [भिडियोसहित] गाजा क्षेत्रमा इजरायली हवाई आक्रमण जारी, थप १० जना प्यालेस्टिनीको मृत्यु